«Кызмат» мамлекеттик мекемесине жарандан арыз келип түштү
Кыргызстанда расмий документтерде жынысты өзгөртүү боюнча биринчи жолу кайрылуу берилди. Бул тууралуу «Кызмат» мамлекеттик мекемесинин директорунун орун басары Эрнес Досалиев билдирди.
Өткөн жумада мекемеге документтериндеги жыныс маалыматтарын өзгөртүүнү сураган эркек киши кайрылды. Учурда анын арызы каралып жатат.
Досалиев белгилегендей, Кыргызстандын учурдагы мыйзамдарына ылайык, мындай мүмкүнчүлүк бар. Өзгөртүүлөр медициналык маалымдаманын негизинде жүргүзүлөт.
Бул маалымат Жогорку Кеңештин илим, билим, инновациялык өнүгүү, маалыматтык технологиялар, маданият, спорт жана жаштар иштери боюнча комитетинин жыйынында сунушталды.
Сүрөт www
