Бул система племенной чарбаларга статус берүү, өзгөртүү жана ырастоо үчүн онлайн арыздарды кабыл алууга, ошондой эле электрондук сертификаттарды берүүгө мүмкүндүк берет. Ал племенной чарбаларды баалоо менен байланышкан бизнес-процесстерди автоматташтырууга жана оптималдаштырууга багытталган.
Система ошондой эле племенной чарбалар жана жасалма уруктандыруу пункттары боюнча маалыматтын актуалдуулугун жана жеткиликтүүлүгүн камсыз кылган бирдиктүү электрондук реестрди камтыйт.
Мындан тышкары, автоматташтырылган маалыматтык система өлкөдө өстүрүлгөн жаныбарлардын продуктивдүү сапаттарын жогорулатуу үчүн шарттарды түзөт. Ал мал чарбачыларга жасалма уруктандыруу жана ар кандай продуктивдүүлүк багытындагы племенной уруктарга жеткиликтүүлүктү камсыз кылат.
Ошондой эле, бул система племенной субъекттер үчүн бирдиктүү санариптик платформаны түзүүнү карайт, бул тармакка заманбап технологияларды киргизүүгө, анын натыйжалуулугун жана атаандаштыкка жөндөмдүүлүгүн жогорулатууга жардам берет.
