Кыргыз Республикасынын Су ресурстары, айыл чарба жана кайра иштетүү өнөр жайы министрлиги мамлекеттик колдоо жана тукумдук мал чарбачылыгы боюнча селекциялык иштердин натыйжасында жетишилген оң жыйынтыктар тууралуу маалымдады.
Бүгүнкү күндө өлкөдө 185 тукумдук чарба катталган, алар мал чарбачылыгынын бардык негизги багыттарын камтыйт жана айылдык жерлердеги экономикалык активдүүлүктү жогорулатууга көмөктөшөт.
Негизги көрсөткүчтөргө төмөнкүлөр кирет:
66 тукумдук ири мүйүздүү мал чарбасы
Жалпы мал саны: 8 406 баш
75 тукумдук кой чарбасы
Жалпы мал саны: 24 759 баш
35 тукумдук ат чарбасы
Жалпы мал саны: 1 725 баш
5 тукумдук эчки чарбасы
Жалпы мал саны: 2 704 баш
5 тукумдук як чарбасы
Мал саны: 1 224 баш
2 тукумдук тоок чарбасы, жалпы саны 281 миңден ашык тоок.
«Бул сандар тукумдук мал чарбачылыгынын азык-түлүк коопсуздугун камсыз кылуу жана өлкөнүн экспорттук мүмкүнчүлүктөрүн жогорулатуу үчүн маанилүүлүгүн баса белгилейт», - деп айтылат ведомствонун маалыматына.
