Депутат жаңы Саламаттык сактоо министрлигин тез жардам унааларын сатып алууга чакырууда

Баш шаарда, анын айтымында, болгону 35-40 тез жардам унаасы иштеп жатат


Жакында өткөн Жогорку Кенештин жыйынында депутат Жаныбек Абиров жаңы Саламаттык сактоо министрлигинин жетекчилигине кайрылды.
Ал административдик-территориялык реформа жүргүзүлгөндөн кийин Бишкектин аймагы кеңейгенин, калкы 1 миллион 300 миң адамга жеткенин белгиледи. Бирок шаарда болгону 35-40 тез жардам унаасы бар.
«Тез жардам чакырганда күтүү убактысы болжол менен 2 саатты түзөт. Тез жардам кызматынан мага цифрлаштыруу аяктаганын жана адистер жетиштүү экенин билдиришти. Проблема болгону унаалардын жетишсиздигинде», — деди Абиров.
Депутат Минздравдан баш шаар үчүн жаңы тез жардам унааларын сатып алуу мүмкүнчүлүгүн карап чыгууну өтүндү.

Сүрөт www