Бишкекте тез жардам 35-40 унаа менен шаарды тейлейт, - депутат

Жогорку Кенештин 14-январда өткөн жыйынында депутат Жаныбек Абиров Бишкектеги тез жардам кызматын унаалар менен камсыздоо маселесине көңүл бурду.

Анын маалыматына ылайык, административдик-территориялык реформа боюнча калктын саны боюнча маалыматтарга караганда, борбордо 1,3 миллионго жакын адам жашайт. Шаардын чоң аймагы да медиктердин чыгуу ылдамдыгын кыйындатат.

Учурда Бишкекте болгону 35-40 тез жардам унаасы иштеп жатат, бул болсо жарандардан келип түшкөн кайрылууларды эске алганда жетишсиз.

Ошондуктан, Абиров Саламаттык сактоо министрлигинин жетекчилигине тез жардам унааларынын санын көбөйтүү мүмкүнчүлүгүн карап чыгууну өтүндү. Ал цифрлаштыруу кызматта уже киргизилгенин белгиледи, бирок негизги тоскоолдук транспорт каражаттарынын жетишсиздиги болуп жатат.