Погранич кызмат: Казакстандык жарандарга КРдагы жаңы жашоо эрежелери тууралуу алдын ала маалымдалган
Ведомствонун маалыматы боюнча, жаңы эрежелерди күчүнө киргизүүдөн мурун расмий сайттар, социалдык тармактар жана массалык маалымат каражаттары аркылуу кенен маалымат берилген. 2025-жылдын жазында жана жайында тиешелүү маалыматтар жарыяланган жана бүгүнкү күнгө чейин жарыяланып жатат.
Айрыкча, 2025-жылдын 4-декабрында "Ак-Жол - Автодорожный" өткөрмө пунктунда Тышкы иштер министрлиги, Ички иштер министрлиги жана калкты каттоо департаментинин өкүлдөрүнүн катышуусунда брифинг өткөрүлдү, анда бул тема дагы талкууланды. Жаңы эрежелер боюнча пресс-релиздер казакстандык массалык маалымат каражаттарына да жөнөтүлгөн.
Мындан тышкары, 2026-жылдын 13-январында казакстандыктардын жашоо эрежелери "Биринчи радио" эфиринде талкууланды. Ведомстводо кыргыз-казак чек арасындагы бардык өткөрмө пункттарында маалыматтык материалдар жайгаштырылганын, ал эми паспорт контролунун залдарында видеороликтер көрсөтүлүп жатканын белгилешти. Чек ара кызматынын кызматкерлери Казакстандыктардын жашоо мөөнөтү жана шарттары тууралуу маалымат беришет.
Ошол эле учурда чек ара кызматы, кабыл алуучу өлкөнүн миграция мыйзамдарын сактоо жоопкерчилиги чет өлкөгө чыгып жаткан адамдардын өзүнө жүктөлгөнүн белгиледи.
Ведомстводо жаңы чаралар өз ара, 1-сентябрдан баштап Кыргызстандын жарандарына карата Казакстанда киргизилген чектөөлөргө жооп катары кабыл алынгандыгын жана өз ара принципти сактоого багытталгандыгын белгилешти.
Мурдараак депутат Эльвира Сурабалдиева Жогорку Кеңештин жыйынында мамлекеттик органдарга жаңы эрежелерден улам кыйынчылыктарга туш болгон Казакстандыктарга көңүл бурууну өтүнгөн. Ал Алматыга болгон сапарынан кийин Бишкекте мугалим болуп иштеген казакстандык жарандын Кыргызстанга кайтпай калышы жана жумушун жоготуу коркунучунда турганы тууралуу айтып берди.
Окшош материалдар:
