2025-жылы «Сосновка» жана «Кара-Кол» өткөрмө пункттарында 300 миллион сомдон ашык, тактап айтканда 300 млн 266 миң 484 сом алынды, бул QR-коддорду колдонуу менен акчасыз төлөм системасынын жардамы менен мүмкүн болду. Бул көрсөткүч өткөн жылдын ушул мезгилине салыштырмалуу 35,48% жогору болду, деп билдирди КР Транспорт министрлиги.
Транспорт жана байланыш министри Абсаттар Сыргабаев элдин кызмат көрсөтүү сапатын жогорулатуу, адам факторун жоюу жана коррупциянын алдын алуу зарылдыгын белгилеген. Ошондуктан, аталган өткөрмө пункттарын акчасыз эсептешүүгө өткөрүү тапшырмасы берилген, бул жарандар үчүн ыңгайлуулукту камсыздап, акча менен эсептешүүнү жок кылды.
Бүгүнкү күндө жарандар заманбап ыкмаларды, анын ичинде QR-коддорду, жеринде терминалдарды жана мобилдик колдонмолор аркылуу электрондук капчыктарды колдонуп төлөм жүргүзө алышат.
Жаңы системаны, мамлекеттик мекеме «Өнөр жай-инновациялык борборунун» кызматкерлери иштеп чыккан, киргизүү натыйжасында текшерүү пункттарында кызматкерлердин саны поэтаптуу түрдө кыскарды.
Ошондой эле «Сосновка» жана «Кара-Кол» транспорт тыгындарын болтурбоо үчүн жол тилкелери кеңейтилип, эки жаңы жол тилкеси кошулду, алар азыркы учурда пайдаланууга берилди", - деп кошумчалашты мекемеден.
