Кыргызстан жана Тажикстан туристтик кызматташтыкты күчөтүүдө

Кыргыз Республикасынын өкмөтү Тажикстан Республикасымен туризм тармагында кызматташуу боюнча жаңы келишимди бекитти. Документтин кол коюлушу 2025-жылдын 8-июлунда Душанбеде өттү.
Интернеттен алынган сүрөт
Бекитилген токтомго ылайык, Кыргызстандын экономика жана соода министрлиги келишимдин шарттарын ишке ашыруучу жооптуу орган болуп дайындалды. Бул министрлик эки өлкөнүн ортосунда туризм тармагында өз ара аракеттенүүнү координациялайт.

Мындан тышкары, Тышкы иштер министрлигине тажик тарапка келишим күчүнө кириши үчүн бардык зарыл ички мамлекеттик процедуралардын аяктагандыгы тууралуу маалымдоо тапшырылды.

Документ кабыл алынгандан кийин он күндөн соң күчүнө кирет.