Кыргызстанга гепатитке каршы 250 миң доза вакцина келип түштү

Парламенттин агрардык саясат, суу ресурстары, экология жана айлана-чөйрөнү коргоо боюнча комитетинин жыйынында, саламаттыкты сактоо министринин орун басары Рыспек Сыдыгалиев Кыргызстанга 250 миң доза гепатитке каршы вакцинанын келип түшкөнү тууралуу маалымдады.

Ал вакцинация үч жолу препаратты киргизүүнү талап кыларын жана аны үй-бүлөлүк медицина борборлорунда толугу менен акысыз алууга болорун белгиледи. Мындан тышкары, жарандар гепатиттер боюнча тестирлөөнү да акысыз өтө алышат.

Сыдыгалиевдин айтымында, бул чаралар Саламаттыкты сактоо министрлигинин эрте диагноз коюуну камсыздоого багытталган.