$30 миллионго жакын пандемиядан коргонуу жана азык-түлүк коопсуздугун бекемдөө үчүн

Кыргызстанга «Кыргызстан үчүн 1-фаза» долбоорунун алкагында глобалдык «Бирдиктүү ден соолук» программасы боюнча 30 миллион доллардан ашык каражат бөлүнөт. Бул маалымат агрардык саясат, суу ресурстары жана экологияны коргоо боюнча парламент комитетинин жыйынында айтылды.

Суу ресурстары, айыл чарба жана кайра иштетүү өнөр жайы боюнча биринчи орун басары Жаныбек Керималиевдин билдирүүсүнө ылайык, аталган долбоор Дүйнөлүк банк тарабынан сунушталган эл аралык демилгелердин бир бөлүгү болуп саналат, ал эми жалпы бюджет 30,79 миллион долларды түзөт.

Долбоор боюнча эмне жасалат?
«Бул долбоорду ишке ашыруу мамлекеттик бюджеттен кошумча чыгымдарды талап кылбайт. Ал терс кесепеттерди жаратпайт жана ички мыйзамдарга, ошондой эле эл аралык стандарттарга толугу менен жооп берет», — деп кошумчалады Жаныбек Керималиев.