Суу ресурстары, айыл чарба жана кайра иштетүү өнөр жайы боюнча орун басар министр Жаныбек Керималиев бул демилге адамдардын жана жаныбарлардын ден соолугун жакшыртууга, ошондой эле өлкөдөгү айлана-чөйрөнүн абалын жакшыртууга багытталганын белгиледи.
Долбоордун биринчи этабы үч негизги багытты камтыйт:
- Зооноздук инфекциялар менен күрөшүү: жаныбарлар арасында оорулардын контролун жогорулатуу, эффективдүү диагностикалык жана дарылоо ыкмаларын иштеп чыгуу, ошондой эле жаныбарлардан адамдарга жугушу мүмкүн болгон инфекциялардын коркунучтары тууралуу элди маалымдоо.
- Антимикробдук препараттарга туруктуулукту алдын алуу: медицинада жана ветеринарияда антибиотиктерди рационалдуу колдонуу, альтернативдүү дарылоо ыкмаларын өнүктүрүү, ошондой эле антибиотиктерге туруктуу бактериялардын жайылышын алдын алуу.
- Тамак-аштын коопсуздугун камсыздоо: өндүрүш жана кайра иштетүү боюнча бардык этаптарда санитардык шарттарды жакшыртуу, ошондой эле продукциянын сапатын контролдоо.
Кошумча каражаттар эки башка министрликке алардын ыйгарым укуктарынын алкагында милдеттерди аткаруу үчүн бөлүнөт.
Башкы беттеги сүрөт иллюстрациялык: nabu.kg.
