МИД Мальтада Кыргызстандын жаранынын өлүмү тууралуу маалымдады

Кыргыз Республикасынын Тышкы иштер министрлиги Мальтадагы Сент-Джордж булуңунда Кыргызстандын жаранына байланыштуу болгон трагедиялык окуя тууралуу билдирет.
Мальта бийликтери тарабынан анын өлүмү тууралуу маалымат алгандан кийин, Кыргыз Республикасынын Италиядагы Элчилиги дароо жергиликтүү органдар менен кызматташып, дененин мекенине репатриациялоо үчүн зарыл болгон процедураларды уюштурууга киришти. Бул процесске Мальтада болгон мекендештер да катышууда.
Учурда элчилик каза болгон адамдын денесин кайтаруу маселелери менен активдүү алектенүүдө, кеңири консулдук жардам көрсөтүүдө жана туугандар менен байланышта болуп, бардык зарыл этаптарды коштоп жатат.