Кеңешүү учурунда саламаттыкты сактоо жана медициналык билим берүү тармагындагы кызматташууга көңүл бурулду.
Пакистандык студенттердин Кыргызстандагы окуу жайларында медициналык билим берүүнүн сапатын жакшыртууга өзгөчө көңүл бөлүндү.
Тараптар академиялык байланыштарды күчөтүүнүн, билим берүү стандарттарын жогорулатуунун жана студенттер үчүн практикалык даярдыкты кеңейтүүнүн маанилүүлүгүн белгилешти.
Мындан тышкары, эки өлкөнүн медициналык университеттери жана саламаттыкты сактоо мекемелери ортосунда түз өз ара аракеттенүүлөрдү өнүктүрүү мүмкүнчүлүктөрү, мугалимдер жана дарыгерлер арасында тажрыйба алмашуу, ошондой эле биргелешкен илимий иш-чараларды уюштуруу талкууланды.
