Ал бул жетишкендик өлкөдөгү ийгиликтүү профилактикалык саясаттын эң жаркын мисалдарынын бири экенин белгиледи.
2002-жылдан бери гепатит Вга каршы вакцинация Улуттук профилактикалык эмдөө календарына киргизилген. Жаңы төрөлгөндөрдү вакцинациялоонун бардык чыгымдары мамлекеттик бюджеттен каржыланат, ал эми бир жашка чейинки балдарга эмдөө Глобалдык вакцина жана иммунизация альянсы менен кызматташтыкта жүргүзүлөт.
2022-жылдан тарта чоң кишилерди вакцинациялоо процесси башталды. Пилоттук долбоордун алкагында 350 миң доза вакцина жана 140 миң экспресс-тест сатып алынды, бул Роспотребнадзордун колдоосу менен ишке ашты. Долбоор Чүй облусунда жана Бишкек шаарында башталды, андан кийин анын географиясы башка региондорго кеңейтилди.
2026-жылдын 1-февралына карата:
1 доза вакцинаны 323 638 адам алды;
2 доза — 271 182 адам (83,8%);
3 доза — 195 092 адам (73,6%).
Бул чаралар чоң кишилер арасында жамааттык иммунитеттин деңгээлин кыйла жогорулатты, деп кошумчалады ал.
