Кыргызстандын Саламаттык сактоо министрлиги учурда өлкөдө Нипах вирусу менен ооруу учурлары катталбаганын билдирди. Эпидемиологиялык абал санитардык-эпидемиологиялык кызматтар тарабынан тыкыр көзөмөлгө алынууда.
Кыргыз Республикасынын чек арасындагы инфекциянын мүмкүн болгон киргизилишин азайтуу үчүн санитардык-карантиндик контролду күчөтүү боюнча кошумча чаралар кабыл алынды.
Санитардык контролдун кызматкерлери өлкөгө кирип жаткан адамдардын ден соолук абалын көзөмөлдөп, транспорт каражаттарын текшерип, белгиленген нормаларга ылайык профилактикалык иш-чараларды өткөрүшөт.
Медициналык мекемелерге оорулардын эрте аныкталышын, бейтаптарды изоляциялоону жана эпидемияга каршы чараларды өткөрүүнү уюштуруу боюнча көрсөтмөлөр берилди.
Мындан тышкары, КР Саламаттык сактоо министрлиги эпидемиологиялык абал боюнча маалымат алмашуу жана профилактикалык иш-чараларды координациялоо үчүн Дүйнөлүк саламаттыкты сактоо уюму (ДСУ) жана башка эл аралык өнөктөштөр менен үзгүлтүксүз кызматташтыкты колдойт.
