Кабмин 10 га жерди айыл чарба категориясынан эл жашаган пункттарга өткөрдү
Аламедин районунда жайгашкан Байтик Баатыр айылдык аймагында көп кабаттуу турак жай комплекстерин куруу пландалууда. Бул чечим Кыргыз Республикасынын өкмөтүнүн жыйынында кабыл алынды.
Жаңы токтомго ылайык, бул жер тилкелери айыл чарба категориясынан эл жашаган пункттар категориясына өткөрүлдү.
Бул жерлер мурдагы Жогорку Кеңештин депутаты Карганбек Самаковдун жеке менчигинде жана эки участокко бөлүнгөн: контур № 202, аянты 4,37 га жана № 411, аянты 5,63 га.
Эскерте кетсек, 2015-жылдын майында Карганбек Самаковго жана бир нече башка адамдарга коррупция менен байланышкан кылмыш иши козголгон. Алар Кара-Жыгач, Байтик жана Лебединов айылдык аймактарында жайгашкан жалпы аянты 262 га болгон жер тилкелерин мыйзамсыз өткөрүүдө айыпталган.
фото www
