Бул мыйзам бузуулардын алдын алуу жана жоюу максатында 12 миңден ашык прокурордук актылар жөнөтүлгөн. Алардын арасында 570 кылмыш иши жана сотко берилген 771 доо арыз бар.
Каралган актыларды талдоо мамлекеттик пайдага 34 миллиард 827 миллион сомдон ашык каражат кайтарылганын көрсөттү. Бул сумма ичинен 1 миллиард 243 миллион сом акча каражаттары, калган 33 миллиард 584 миллион сом болсо товардык формада кайтарылган.
Мындан тышкары, 6 миң 932 кызматкер дисциплинардык чараларга тартылган, ал эми 3 миң 227 кызмат адамдары укук бузуулар кодексине ылайык жоопкерчиликке тартылып, мамлекеттик пайдага 16 миллион сомго жакын айыппул төлөшкөн, деп кошумчалады Асаналиев.
Мыйзам бузуулар бардык мамлекеттик жана муниципалдык органдарда катталса да, эң көп мыйзам бузуулар ар кандай министрликтердин жана ведомстволордун аймактык бөлүмдөрүндө аныкталган, андан кийин жергиликтүү өз алдынча башкаруу органдары жана укук коргоо структуралары орун алган.
