Мыйзам Жогорку Кеңеш тарабынан 2025-жылдын 26-февралында бекитилген. Бул гранттык келишимге ылайык, Япония Кыргызстанга 1 801 000 000 япон йенине чейин (бул $11 321 525 же болжол менен 990 043 586 сомго барабар) каражат бөлөт.
Долбоордун максаты - инфекциялык эмес ооруларды диагностикалоо жана дарылоо мүмкүнчүлүктөрүн күчөтүү. Бул түштүк аймактардагы рефералдык ооруканаларга жүрөк-кан тамыр жана онкологиялык ооруларды дарылоого заманбап медициналык жабдууларды жеткирүү аркылуу ишке ашырылат. Натижада медициналык кызматтардын сапаты жакшыртылып, Ош, Жалал-Абад жана Баткен облустарынын тургундары үчүн адистештирилген жардамдын жеткиликтүүлүгү жогорулайт.
