Сүйлөшүү учурунда Маматалиев Кыргыз Республикасында Дүйнөлүк банк менен активдүү кызматташуу жүрүп жатканын жана биргелешкен бир нече демилгелерди ийгиликтүү ишке ашырып жатканын белгиледи.
ЖКнын сүрөтү
«Биз өнөктөштүгүбүздү тереңдетүүгө кызыкдарбыз, айрыкча экология, климаттык өзгөрүүлөр жана тоо экосистемаларынын абалын жакшыртуу маселелеринде. Ошондой эле Жогорку Кенеш белгилүү мыйзам актылары боюнча талкуулап, сунуштар алууну каалайт», — деди спикер.
Ал мамлекеттик сатып алууларга байланыштуу мыйзамдарды жакшыртуу зарылдыгын мисал келтирди.
Хью Риддел, өз кезегинде, аталган мыйзам боюнча өз комментарийлерин сунуштап, аны жакшыртуу үчүн сунуштарды берүүгө даяр экенин билдирди.
Тараптар акыркы убакта укуктук системадагы өзгөрүүлөрдү талкуулап, мамлекеттик сатып алуулар чөйрөсүндө укуктук базаны өнүктүрүүнүн маанилүүлүгүн баса белгилешти.
