Тергөөнүн маалыматтарына ылайык, Нарын шаардык билим берүү бөлүмүнүн кызматкерлери ар бир директордон 4000ден 5000 сомго чейин акча талап кылышкан. Бул каражаттар финансылык мыйзам бузууларды аныктаган Счеттук палатасынын инспекторуна берилери айтылган.
Текшерүү учурунда кызматкерлерден 68 миң сом жана акча алынган 17 билим берүү мекемесинин тизмеси табылган.
Кызмат адамдары тарабынан акча талап кылуу боюнча КРнын Кылмыш кодексинин 343-беренесинин 1-бөлүмү боюнча козголгон кылмыш ишинин алкагында Нарын шаардык билим берүү бөлүмүнүн начальниги Т.У.С. кармалды. Ал убактылуу кармоо жайына киргизилди.
Тергөөнүн иштери уланууда.
