Бул функционал 2025-жылдын биринчи кварталында ишке киргизилди жана балдарга кысым же коркутуу учурлары тууралуу анонимдүү билдирүү берүү мүмкүнчүлүгүн берет. Алынган маалымат түздөн-түз Билим берүү министрлигине жөнөтүлүп, андан кийин тез арада жооп берүү үчүн Ички иштер министрлигине өткөрүлөт.
Учурда бул билдирүүлөрдү кол менен иштетүү жүргүзүлүүдө, бирок жакын арада бул процессти толугу менен автоматташтыруу пландалууда.
Мухтарбек Баймурзаев
Алтынбек Эркинбеков, тарбия жана мектептен тышкаркы билим берүү бөлүмүнүн башчысы, балдар мектептердеги көйгөйлөр менен гана чектелбестен, үй-бүлөлүк зомбулук учурлары тууралуу да билдирүү беришерин белгиледи.
«Ар кандай тематикадагы кайрылуулар келип жатат. Мисалы, электрондук күндөлүктөгү маалыматтын жардамы менен мектептеги конфликтти алдын алууга жетиштик. Бир окуучу улуулар кичүүлөрдү кечки убакта 'жиналышка' чакырмакчы болуп жатканын билдирди. Бул билдирүүгө ыкчам реакция кылуу укук бузууну алдын алууга жардам берди», — деп бөлүштү Эркинбеков.
Жыйында депутат Жылдыз Курманалиева ведомствого бул долбоорду аяктап, аны өлкө боюнча мектеп окуучулары арасында активдүү популяризациялоо боюнча иш алып барууну сунуштады.
