Бул мыйзам долбоору протоколдун күчүнө киришине чейин аткарылуучу ички процедураларды жүзөгө ашыруу үчүн зарыл. Документти кол коюу Казакстандын президенти Касым-Жомарт Токаевдин Кыргызстанга мамлекеттик визити учурунда болуп өттү.
Киргизилген өзгөртүүлөргө ылайык, «Камышановка-автодорожный» өткөрмө пункту «Томонку-Чүй — автодорожный» деп аталып, эл аралык статус алат, бул болсо анын 24 саат бою иштешине мүмкүндүк берет.
Ошондой эле «Кичи-Капка — автодорожный» өткөрмө пункту эл аралык болуп өзгөртүлүп, 24/7 режиминде иштейт деп пландалууда.
Бул чечим Кыргызстандын жана Казакстандын ортосундагы чек арадан өтүүдө жарандар жана транспорт каражаттары үчүн ыңгайлуу шарттарды түзүүгө багытталган. Бул жүргүнчүлөрдүн жана жүк агымын көбөйтүүгө, чет элдик туристтерди тартууга жана инфраструктураны жакшыртууга көмөктөшөт.
