Суу ресурстары, айыл чарба жана кайра иштетүү өнөр жайы боюнча биринчи орун басары Жаныбек Керималиев, бул долбоорду ишке ашыруу үчүн донорлор тарабынан 30 миллион доллар кредит жана 1,79 миллион доллар грант бөлүнөрүн мурда белгилеген.
«Бул долбоор адамдардын жана жаныбарлардын ден соолугун жакшыртууга, ошондой эле экологияга кам көрүүгө багытталган амбициялуу демилге. Биринчи фаза үч негизги компонентти камтыйт, алар системанын туруктуулугун камсыз кылуу жана «Бирдиктүү ден соолук» регионалдык программасынын концепциясы боюнча өзгөчө кырдаалдарды аныктоо жана жооп берүү үчүн критикалык функцияларды колдоо максатында түзүлгөн. Бул глобалдык ден соолук көйгөйлөрүн чечүүдө комплексдүү мамилени камсыздоонун маанилүүлүгүн баса белгилейт», — деп кошумчалады Жаныбек Керималиев.
Программанын приоритеттүү багыттарынын арасында зооноздук инфекциялар менен күрөшүү, антимикробдук препараттарга туруктуулукту алдын алуу жана азык-түлүктүн коопсуздугун камсыздоо бар.
Документ депутаттар тарабынан экинчи окууда эч кандай талкуусуз кабыл алынды.
