• Бул долбоор пандемияларды алдын алуу, ошондой эле Борбордук Азиядагы азык-түлүк системаларынын туруктуулугун жана экосистемалардын ден-соолугун колдоо үчүн багытталган. Келишим 2025-жылдын 11-июлунда Бишкекте Кыргыз Республикасы менен Эл аралык өнүктүрүү ассоциациясы/Эл аралык реконструкция жана өнүктүрүү банкы арасында кол коюлган, ал пандемияларды алдын алуу, даярдык жана жооп берүү боюнча Трасттык фонддун администратору катары чыгат.
Мыйзам долбоору өкмөт башчы тарабынан демилгеленген. Суу ресурстары, айыл чарба жана кайра иштетүү өнөр жайы боюнча орун басар министр Жаныбек Керималиев бул долбоор өлкөнүн калкынын, жаныбарларынын жана чөйрөсүнүн ден-соолугун жакшыртууга багытталганын белгиледи.
Анын айтымында, «Фаза 1» долбоору үч негизги компонентти камтыйт: зооноздук инфекциялар менен күрөшүү, антимикробдук препараттарга туруктуулукту алдын алуу жана азык-түлүк коопсуздугун камсыздоо.
Каржылоого байланыштуу келишимге ылайык, «Кыргыз Республикасында «Бирдиктүү ден-соолук» программасынын алкагында «Фаза 1» долбоорун ишке ашыруу үчүн 30 миллион доллар кредиттик каражат жана 1,79 миллион доллар гранттык каражат каралган. Кредит 50 жылга, 10 жылдык жеңилдик мезгили менен жана нөл пайыздык ставкага берилет.
