Кимдин арыз бергендиги так айтылган жок, бирок бул кайра шайлоодо катышкан 23 талапкердин бири экени белгилүү.
Сот жыйыны 14:00гө белгиленген.
Эскерте кетсек, мурда Борбордук шайлоо жана референдумдарды өткөрүү боюнча комиссия №13 көпмандаттуу округдагы шайлоонун жыйынтыктары боюнча өз чечимдерин кайра карап чыккан. 13-февралдагы жыйында БШК мурдагы токтомун өзгөртүп, шайлоону өткөн деп тааныды.
Натыйжасында депутаттар болуп Айбек Алтынбеков, Талант Мамытов жана Айгуль Карабекова шайланды. Талапкерлердин бири Бактыбек Сыдыковдун добуш берүүсүнүн жыйынтыктары жараксыз деп табылды. Ошондой эле 1-мартка белгиленген кайра шайлоолор боюнча токтом жокко чыгарылды.
Эскерте кетсек, 2025-жылдын 3-декабрында БШК №13 округдагы 14 талапкердин каттоосун шайлоо участкаларында байкоочулар тарабынан камераларды орнотуу менен байланышкан мыйзам бузуулар себептүү жокко чыгарган. Натыйжада кайра шайлоолор дайындалып, 23 талапкер катталган.
