Документте санариптик далилдерди каттоо, сактоо жана алып салуу боюнча эрежелер камтылган, бул болсо мындай маалыматтар сотто кабыл алынбай калышына жол бербөө үчүн жардам берет.
Долбоордун негиздемесинде, санариптик технологиялар менен байланышкан кылмыштардын саны туруктуу түрдө өсүп жатканы, ал эми учурдагы мыйзамдар заманбап реалияларга жооп бербеши белгиленген. Мыйзам долбоорунун авторлору терминологияны Цифровой кодексине ылайык бирдиктүү кылууну, кибер кылмыштардын айрым курамдарын жана териштирүү процедураларын жаңыртууну, ошондой эле виртуалдык активдер менен байланышкан маселелерди өзүнчө карап чыгууну сунушташат.
Долбоорго ылайык, криптоактивдерди камакка алуу жана алып салуу мүмкүнчүлүгү каралат, аларды соттун чечими чыкканга чейин сактоо жана активдер жашырылган, жок кылынган же өткөрүлүп берилген учурда эквиваленттүү активдерди же акча суммасын конфискациялоо механизми сунушталат.
Мындан тышкары, мыйзам долбоору санариптик маалыматтар боюнча эл аралык кызматташтык нормаларын модернизациялоону сунуштайт, бул маалыматтарды убактылуу сактоого жана белгилүү учурларда санарип форматында материалдарды алмашууга мүмкүндүк берет.
Эскертүүдө, бул мыйзам долбоорун ишке ашыруу кошумча бюджеттик чыгымдарды талап кылбайт деп белгиленген.
