"Бул жеке пикир"
Мария Захарова, Россиянын Тышкы иштер министрлигинин өкүлү, телевидение алып баруучу Владимир Соловьевдин эл аралык укук, ошондой эле Венесуэла жана Армениядагы кырдаал боюнча жакында айткан пикирлерин комментарийлеп өттү. Бул тууралуу РБК билдирет.
Ал "бул жеке пикир, Россиянын расмий позициясы эмес" деп белгилеп, Соловьевдин ойлорун суроо түрүндө билдиргенин кошумчалады. Захарова манипуляцияларды кабыл алынгыс деп баса белгилеп, Россиянын Түштүк Кавказ жана Орто Азия мамлекеттери менен мамилелери коңшулук, стратегиялык өнөктөштүк жана союздаштыкка негизделгенин айтты.
Эсиңиздерге сала кетсек, Соловьев эфир учурунда Венесуэладагы АКШга окшош сценарий жөнүндө сөз кылган жана анын сөздөрү реакция жараткан: Арменияда Россиянын элчиси кырдаалды талкуулоо үчүн чакырылган, ал эми Кыргызстанда Соловьевди персона нон грата деп жарыялоо сунушталган.
Ошондой эле, АКШнын расмий бийликтери Каракаста аскердик операция өткөрүп, Венесуэланын президенти жана анын жубайы Америка Кошмо Штаттарында соттук териштирүүгө алып кетилгенин белгилеп өтүү керек.
Сүрөт www
