Бир түн ичинде Ысык-Көл облусунда 27 айдоочу алкогольдук мас абалда аныкталды
Алынган маалыматка ылайык, 9-январда аймактагы жолдордо коопсуздукту жогорулатуу максатында «Рулда» аталышындагы рейд уюштурулган. Иш-чаранын жүрүшүндө жол кыймылынын коопсуздугун камсыздоо кызматкерлери шаарга кирген жерлерде унааларды текшерүү жүргүзүштү.
Текшерүүлөрдүн процессинде айдоочулардын бир бөлүгү алкогольдук мас абалда экендиги белгилүү болду, ошондой эле зарыл документтери жана айдоочулук күбөлүгү жок транспорт башкарган адамдар да табылды. Кыргыз Республикасынын мыйзамдарына ылайык, мыйзам бузуучуларга жоопкерчилик чаралары колдонулду.
«Мындай иш-чаралар жол кырсыктарынын санын азайтуу, айдоочулардын жоопкерчилигин жогорулатуу жана жарандардын коопсуздугун камсыздоо максатында улантылат», — деп билдиришти кызматтын өкүлдөрү.
Окшош материалдар:
