Бишкектик аял психотроптук заттарды сатууда шектелүүдө

Кыргызстандын борбору Бишкекте, психотроптук заттарды мыйзамсыз сатууга шектелген аял кармалды, деп билдирет шаардык Ички иштер башкармалыгынын басма сөз кызматы.

Берилген маалыматка ылайык, 2025-жылдын 30-декабрында наркотиктердин жана күчтүү таасир этүүчү дары-дармектердин сатылышы тууралуу маалыматтар алынган.

Бул иш Кыргыстан Республикасынын Кылмыш кодексинин «наркотикалык заттарды, психотроптук заттарды жана алардын аналогдорун мыйзамсыз даярдоо, сатып алуу, сактоо, ташуу же сатуу» боюнча беренеси боюнча козголгон. Операциянын жүрүшүндө Власова көчөсүндө 1986-жылы туулган Т.Г. кармалды. Текшерүү учурунда анын сумкасынан 214 таблетка психотроптук дары табылган. Аял аларды Ош базарынан сатып алганын жана тааныштарына 500дөн 700 сомго чейин сатуу ниетинде болгонун билдирди. Учурда ал убактылуу кармоо жайында, тергөө иштери уланууда.