Заманбап билим берүү системасы эл аралык стандарттарга гана эмес, ошондой эле атаандаштыкка жөндөмдүү адистерди даярдоого да ылайык болушу керек. 12 жылдык билим берүү системасын киргизүү жана билим берүү мекемелеринин инфраструктурасын жана материалдык-техникалык базасын комплексдүү модернизациялоо маанилүү кадам болду.
Кыргызстандын жаңы муунунун глобалдык атаандаштыкка жөндөмдүүлүгүн жогорулатуу үчүн 12 жылдык билим берүү моделин киргизүү, студенттерге XXI кылымдын көндүмдөрүнө багытталган жаңы окуу китептери жана программалар менен камсыз кылуу боюнча чаралар ишке ашырылууда.
Лабораториялык жабдуулар ар түрдүү жана билим берүү процессинде кеңири спектрдеги окуу тапшырмаларын чечүүгө мүмкүндүк берет. Жалпысынан 220 кластердик мектеп 5 500 комплект лабораториялык жабдуулар, 220 интерактивдүү панелдер жана ошондой эле 220 ноутбук менен жабдылган.
Бул комплекттер изилдөө лабораториялык иштерди жүргүзүү, механика, электр, магниттик, оптикалык көрүнүштөр, толкун процессинин, суюктук касиеттерин, химиялык реакцияларды жана биологиялык объектилерди изилдөөгө арналган. Жабдуулар эксперименттик маалыматтарды так өлчөө, каттоо жана талдоо жүргүзүүгө, ошондой эле окуучулардын илимий изилдөөлөрдү жүргүзүү жана заманбап өлчөө технологиялары менен иштөө көндүмдөрүн өнүктүрүүгө мүмкүндүк берет.
Бул жабдууларды колдонуу предметтик билимдерди, практикалык көндүмдөрдү, санариптик сабаттуулукту жана изилдөөчү ой жүгүртүүнү өнүктүрүүгө, ошондой эле табигый илимдерди окутуунун сапатын жогорулатууга көмөктөшөт.
Педагогдор үчүн билим берүү процессинде окуу-лабораториялык жабдууларды жана маалыматтык-коммуникациялык технологияларды эффективдүү пайдалануу боюнча окутуучу иш-чаралар өткөрүлгөн.
«Жаңы муун үчүн билим берүү (Next Generation Education – 2025)» долбоорунун алкагында өлкө боюнча 800 англис тили мугалими жана 400 STEM мугалими үчүн окутуу өткөрүлдү. Окутуунун максаты педагогдордун кесиптик деңгээлин жогорулатуу жана заманбап окутуу үчүн зарыл болгон көндүмдөрдү өнүктүрүү болду.
Билим берүү министрлиги ошондой эле 12 жылдык билим берүү моделине өтүү менен байланыштуу жаңы муундун окуу китептерин түзүү үчүн авторлорду жана иштеп чыгуучуларды тандоо боюнча иштерди жүргүзүп жатат.
Кийинки партияларда «Тарых», «География» жана «Кыргыз тили» предметтери боюнча мугалимдерге ноутбуктарды берүү пландалууда.
Мектептердин жетишсиздиги маселеси жыл сайын чечилип жатат: жаңы окуу имараттары окуучулардын санына жараша курулууда, ал эми кээ бир мектептер кошумча имараттарды алышууда.
2023-жылдын экинчи Элдик курултайында Билим берүү министрлигине 412 кайрылуу келип түштү. Алардын 332си, бул 81,6% түзөт, мектептерди куруу маселесине байланыштуу, калган бөлүгү педагогдордун эмгек акысы, окуу китептери жана башка актуалдуу темаларга байланыштуу. Бул тууралуу Билим берүү министрлигинин бюджет, саясат жана финансылык анализ жана инфраструктура башкармалыгынын башкы адиси Венера Сапаркулова билдирди.
- 20 мектеп — мамлекеттик бюджеттин эсебинен;
- 12 мектеп — Саудия өнүктүрүү фондунун каражаттары менен;
- 1 мектеп — Россиянын колдоосу менен;
- 3 мектеп — жергиликтүү бюджеттин эсебинен.
Президент Садыр Жапаров IV Элдик курултайда 1-апрелден баштап мугалимдердин эмгек акысы орточо 100% жогорулаарын, бул болжол менен 52 миң сомду түзөрүн билдирди.
