10-февралда курулуш министри Нурдан Орунтаев, Ош шаарынын мэри Женишбек Токторбаев жана тиешелүү департаменттердин жетекчилери менен биргеликте Ош шаарында жаңы мектептер курула турган социалдык объектилердин долбоорлору жана курулуш аянтчалары менен таанышып чыкты.
Пландарга кирген объектилер:
- С. Алымкулов атындагы №33 орто мектепте 375 окуучуга арналган кошумча корпус, дареги: Озгур айылы, Конур-Жаз көчөсү, №3.
- Ж.Боконбаев атындагы мектепте 750 орунга арналган кошумча корпус, дареги: МТУ Курманжан Датка, Н.Исанов көчөсү, №27а/1.
- Салижан Жигитов атындагы №2 мектептин аймагында 1000 окуучуга арналган мектеп, дареги: МТУ Курманжан Датка, Ташкент көчөсү 50.
- М. Ломоносов атындагы №3 орто мектепте 750 орунга арналган окуу жай, дареги: МТУ Сулайман-Тоо, Курманжан Датка көчөсү 97.
- Ак-Буура-2 турак жай массивинде 700 орунга арналган жаңы мектеп, 10 көчөсүндөгү №26 жер тилкеси, Төлөйкөн айылдык аймагы.
- Ишкаван айылында 700 орунга арналган мектеп, Кызыл-Кыштак айылдык аймагы.
- Кызыл-Кыштак айылдык аймагындагы Сары-Зоо, 2-көчө №20к дарегиндеги 500 орунга арналган окуу жай.
- Б.Алыкулов атындагы №38 орто мектептин аймагында У.Салиева көчөсүндө кошумча корпус, МТУ Манас-Ата.
- Кызыл-Кыштак айылдык аймагындагы Эне-Сай жаңы турак жай массивинде 1200 орунга арналган жаңы мектеп.
- Кызыл-Кыштак айылдык аймагындагы Суроттуу-Таш айылында 500 орунга арналган мектеп, Х.Хабибуллина 2 көчөсү.
Визит учурунда министр Орунтаев курулуш аянтчаларын жана долбоордук документтерди изилдеп, департамент жетекчилерине тиешелүү көрсөтмөлөрдү берди.
Курулуш министрлиги белгилегендей: «Ош шаарындагы мектептердин долбоордук сыйымдуулугуна салыштырмалуу окуучулардын санынын кескин өсүшүнө байланыштуу долбоордук-сметалык документтер бекитилип, 10 жаңы билим берүү мекемесин куруу программасы ишке ашырылып жатат».
