2026-жылы Бишкекте 20, Ошто 10 жана Манаста 6 мектеп куруу пландалууда, каржылоо республикалык бюджеттен жүргүзүлөт.
Бул долбоордун алкагында министр Нурдан Орунтаев Ош шаарынын мэри Женишбек Токторбаев жана профилдик департаменттердин адистери менен биргеликте курулуш үчүн жер тилкелерин жана социалдык объектилердин долбоорлорун карап чыгышты.
Пландалган объектилердин арасында:
- Озгур айылындагы С. Алымкулов атындагы № 33 орто мектепте 375 орундук кошумча корпус;
- Курманжан Датка муниципалдык аймактык башкаруусунда Ж.Боконбаев атындагы мектепте 750 орундук кошумча корпус;
- Ошол эле башкарууда 1000 орундук жаңы мектеп;
- Сулайман-Тоо муниципалдык аймактык башкаруусунда 750 орундук мектеп;
- Толойкон айылдык аймагындагы «Ак-Буура 2» жашоо массивинде 700 орундук окуу жай;
- Кызыл-Кыштак айылдык аймагындагы Ишкаван айылында 700 орундук жаңы мектеп;
- Кызыл-Кыштак айылдык аймагында 500 орундук мектеп;
- Манас-Ата МТУдагы Барпы Алыкулов атындагы № 38 орто мектептин аймагында кошумча корпус;
- Кызыл-Кыштак айылдык аймагындагы жаңы «Эне-Сай» жашоо массивинде 1200 орундук мектеп;
- Кызыл-Кыштак айылдык аймагындагы Суроттуу-Таш айылында 500 орундук жаңы мектеп.
Министр долбоордук документация жана курулуш жерлери менен таанышып, жооптуу жетекчилерге тиешелүү көрсөтмөлөрдү берди.
