Ведомствонун маалымат кызматынын маалыматына ылайык, бул жолугушуу 27-январда Австриянын экономикалык кызматташтык жана өнүктүрүү агенттиги, ошондой эле Австриядан келген бир катар өнөктөш уюмдар жана билим берүү мекемелери катышкан онлайн иш-чаранын уландысы болду.
Талкуунун жүрүшүндө тараптар Ысык-Көл облусунун Ак-Суй районунда туристтик мектеп түзүү боюнча демилгени карашты. Кыргыз тарап бул билим берүү мекемесин куруу жана өнүктүрүү, ошондой эле тоо туризми боюнча адистерди даярдоо үчүн финансылык жана методикалык колдоо көрсөтүүнү сунуштады.
Маттиащиц өзүнүн кийинки сүйлөшүүлөргө даярдыгын белгилеп, сунушталган демилгени колдоду жана финансылоонун маселелери Австриянын мамлекеттик жана жеке институттары менен талкууланарын билдирди.
Кендирбаева мындай долбоорлорду ишке ашыруу туристтик билим берүүнү өнүктүрүү жана эл аралык кызматташтыкты бекемдөө үчүн жаңы мүмкүнчүлүктөрдү жаратарын баса белгиледи.
