Өкмөттүн басма сөз кызматынын маалыматына ылайык, мындай машинкаларга болгон муктаждык өткөн жылдын сентябрь айында Кабмин башчысынын бул билим берүү мекемесиндеги визити учурунда айтылган.
Кабинет министринин резервдик фондунан 20 даана жабдык сатып алуу үчүн 3 миллион сомдон ашык каражат бөлүнгөн. Алардын 10 даанасы Бишкекке жеткирилди, калган 10 даанасы Ош шаарындагы көрүүсү начар жана соо көрүүчүлөр үчүн атайын жалпы билим берүү интернатка өткөрүлөт.
Кабминдин өкүлдөрүнүн айтымында, бул машинкалар окуу процессинде маанилүү роль ойнойт. Алар Брайль системасы боюнча жазууну ырааттуу жана практикалык үйрөнүү үчүн шарттарды камсыз кылып, окуучулардын өз алдынча иштөө, майда моторика жана көңүл буруу жөндөмдөрүн өнүктүрөт. Бул ошондой эле педагогдор үчүн окуу процессин уюштурууну жеңилдетет жана билим берүүнүн сапатын жакшыртат, коррекциондук, билим берүү жана социалдык иштерди бирдиктүү педагогикалык системага интеграциялоого мүмкүндүк берет.
Визит учурунда билим берүү мекемесинин ишмердүүлүгүнө байланыштуу маселелер да талкууланды.
