Жаңы жабдууларга болгон талап өткөн жылдын сентябрь айында өкмөт башчы бул окуу жайына барганда айтылган. Өкмөт башчынын резервдик фондунан 3 миллион сомдон ашык каражат жазуучу машинкаларды сатып алууга бөлүнгөн. Жалпысынан 20 даана сатып алынды: 10 Бишкекке жөнөтүлдү, ал эми калган 10 Оштогу көрбөй калган балдар үчүн интернатка жеткирилет.
Perkins Brailler Classic машинкалары Брайль системасы боюнча жазууга үйрөнүүгө арналган. Алар билим берүү процессин практикалык көндүмдөргө багыттап уюштурууга, окуучулардын өз алдынчалыгын өнүктүрүүгө жана мугалимдердин ишин жеңилдетүүгө жардам берет.
Касымалиев өзүнүн визити учурунда мекеменин иши боюнча актуалдуу маселелерди да талкуулады.
