Ведомствонун маалыматына ылайык, эски балдар бакчасы жагымсыз шарттарда иштеп келген, бул болсо заманбап корпус куруу зарылдыгын жараткан. Эски имарат да капиталдык ремонттон өтүп, терезелер жана фасад жаңыланды. Мындан тышкары, жаңы балдар оюн аянтчалары жана отургучтар орнотулду.
Ачылыш аземине Ош шаарынын мэри Женишбек Токторбаев, билим берүү министри Догдургүл Кендирбаева, жергиликтүү башкармалыктын өкүлдөрү, балдар бакчасынын кызматкерлери жана тарбиялануучулардын ата-энелери катышты.
