Жыйында комитет 2025-жылга карата Табигый ресурстар, экология жана техникалык көзөмөл министрлигинин ишмердүүлүгү боюнча отчетту карады.
Раимкулованын айтымында, Кыргызгидромет үчүн жабдууларды сатып алуу жүргүзүлгөн.
Ал ошондой эле учурда абанын булганышын талдоо үчүн заманбап маалымат борбору жана лаборатория куруу үчүн зарыл болгон долбоордук-сметалык документацияны иштеп чыгуу боюнча тендер өткөрүлүп жатканын белгиледи. Азыркы учурда бул иш үчүн контракт түзүү процесси жүрүп жатат.
Абанын сапатын натыйжалуу көзөмөлдөө үчүн эки мобилдик лабораторияны сатып алуу боюнча келишимге кол коюлганын орун басар министр кошумчалады.
Мындан тышкары, Бишкек, Ош, Кара-Балта, Токмок жана Чолпон-Ата шаарларында жайгаштырылуучу 11 автоматтык аба мониторинг станциясын орнотуу үчүн техникалык документация даярдалган. Бул документтер Дүйнөлүк банк менен макулдашууда.
