Айлана-чөйрөнү жакшыртуу боюнча долбоордун алкагында, Дүйнөлүк банк тарабынан 50 миллион доллар бөлүндү. Табигый ресурстар, экология жана техникалык көзөмөл министринин орун басары Асель Райымкулова бул тууралуу Жогорку Кеңештин комитетинин жыйынында билдирди.
Райымкулова белгилегендей, «Кыргызгиродмет» мамлекеттик мекемеси үчүн жаңы жабдуулар сатып алынды, ошондой эле лаборатория жана абанын сапатын мониторингдөө борборун куруу үчүн долбоордук документацияны иштеп чыгуу боюнча тендер аяктады.
Мындан тышкары, абанын сапатын көзөмөлдөө үчүн колдонулуучу жылжымалуу лабораторияларды сатып алуу боюнча келишимге кол коюлду. Учурда Бишкек, Ош, Кара-Балта, Чолпон-Ата жана Токмокто 11 автоматташтырылган станцияны орнотуу үчүн техникалык документтер иштелип жатат.
