Кыргызстанда 2030-жылга чейин кар барысынын корголушун камсыз кылуу боюнча атайын иш-чаралар планы иштелип чыккан. Табигый ресурстар, экология жана техникалык көзөмөл министринин орун басары Асель Райымкулова бул тууралуу Жогорку Кеңештин комитетинин жыйынында билдирди.
Ал ошондой эле ишке ашырылган чаралардын натыйжасында өлкөдө кар барысынын саны 550дөн ашып кеткенин белгиледи.
Анын айтымында, корголгон табигый аймактардын абалын жакшыртуу үчүн Хан-Тенгри, Сары-Чат - Эрташ жана Нарын аймагын бириктирген 792 миң гектарды ээлеген кар барысынын коридору түзүлгөн. Бул коридорго «Байбосун», «Котормо» резервдеги жайлары жана илимдер академиясынын ботаникалык паркы да кирип, аларды атайын корголуучу аймактардын бөлүгү кылат», - деп кошумчалады ал.
