Кар барысы өлкөнүн расмий символу болду
Кыргызстанда кар барысынын популяциясы 550дөн ашты. Бул тууралуу Жогорку Кеңештин агрардык саясат, экология жана табигый ресурстарды пайдалануу боюнча комитетинин жыйынында табигый ресурстар, экология жана техникалык көзөмөл боюнча орун басар министри Асель Раимкулова билдирди. Ал ошондой эле кар барысы Кыргыз Республикасының улуттук символу катары расмий түрдө таанылганын, анын логотиби жана колдонуу эрежелери бекитилгенин белгиледи.
Асель Раимкулова кошумчалады, өлкөдө 2030-жылга чейин кар барысын коргоо боюнча Улуттук аракеттер планы иштелип чыккан. Бул пландын алкагында бул сейрек кездешүүчү жаныбарды коргоо жана анын табигый жашоо чөйрөсүн сактоо боюнча ар кандай иш-чаралар өткөрүлүүдө.
Мындан тышкары, учурда 792 миң гектарды ээлеген атайын корголуучу табигый аймактардын абалын кеңейтүү жана жакшыртуу боюнча иштер жүргүзүлүүдө.
Маалыматка ылайык, кар барысы үчүн Хан-Тенгри, Сары-Чат-Эрташ жана Нарын аймактарын бириктирген экологиялык коридор түзүлгөн. Бул коридор жаныбарлар үчүн коопсуз миграциялык жолдорду камсыз кылып, өлкөдөгү кар барыстарынын туруктуу популяциясын колдоого алууга арналган.
Сүрөт www
