Текшерүүлөрдүн натыйжасында 3619 акт түзүлүп, 1981 буйрук берилген, бул 7777 мыйзам бузууну жоюуга алып келген. Жалпы отчеттук мезгилде 4879 мыйзам бузуу фактысы катталып, мамлекетке келтирилген зыяндын суммасы 130 млн 961 миң сомду түзгөн.
4547 материал боюнча протоколдор түзүлүп, жалпы коюлган айыппулдардын суммасы 73 млн 710 миң сомду түзгөн. 2025-жылдын 31-декабрына чейин 66 млн 145 миң сом өндүрүлгөн, бул 89,7% өндүрүү деңгээлине туура келет.
Ошондой эле 474 экологияга зыян келтирүү боюнча 57 млн 251 миң сомдук доо арыздар берилген. 495 эпизод боюнча (мурунку жылдардын доо арыздарын эске алуу менен) 35 млн 341 миң 300 сом алынган, бул жалпы аткаруунун 61,6%ын түзөт.
Мыйзам бузуулардын категориялар боюнча бөлүштүрүлүшү:
- Атмосфералык аба – 1030 учур, 22 млн 60 миң сом;
- Суу ресурстары – 244 учур, 5 млн 521 миң сом;
- Чарба калдыктары – 809 учур, 11 млн 720 миң сом;
- Жер ресурстары – 451 учур, 48 млн 926 миң сом;
- Өсүмдүктөр дүйнөсү – 248 учур, 6 млн 61 миң сом;
- Жаныбарлар дүйнөсү – 1031 учур, 11 млн 627 миң сом;
- Өнөр жай коопсуздугу – 548 учур, 10 млн 706 миң сом;
- Ташуу көзөмөлү – 349 учур, 8 млн 983 миң сом;
- Жер астын коргоо – 169 учур, 5 млн 354 миң сом.
Министрлик ошондой эле атмосфералык абанын булганышы маселеси өлкөдөгү эң олуттуу маселелердин бири бойдон калууда деп белгиледи. Жыл ичинде күчөтүлгөн көзөмөл иш-чаралары өткөрүлүп, 260 мыйзам бузуу аныкталып, 6 млн 478 миң сомдук айыппулдар салынган.
Мындан тышкары, булганган заттардын чыгарылышын көзөмөлдөө үчүн 472 унаа текшерилген. Натыйжада 231 мыйзам бузуу аныкталып, 3 млн 854 миң 500 сомдук айыппулдар салынган.
Радиациялык жана экологиялык коопсуздукту камсыздоо алкагында инспекторлор 51 жолу Чүй облусундагы «Каинды» темир жол көзөмөл өткөрүү пунктунда текшерүүлөргө катышкан, анда 159 вагондогу минералдык тыңайткычтардын радиациялык фону текшерилген.
Ошондой эле республикада экологиялык маданиятты жогорулатуу үчүн 515 билим берүү иш-чарасы өткөрүлгөн. Ишкердик субъекттерине мыйзам бузуу боюнча 1100 билдирүү жөнөтүлгөн, ошондой эле массалык маалымат каражаттарында 117 маалыматтык материал жарыяланган.
