Бул документ жарандардын ден соолугун жана өлкөнүн экосистемасын туруктуу органикалык булгануучулардын терс таасирлеринен коргоо максатында иштелип чыккан. Ошондой эле, ал кооптуу калдыктарды башкаруунун натыйжалуулугун жогорулатууга жана Стокгольм конвенциясы боюнча алынган милдеттенмелерди аткарууга багытталган.
Токтомго ылайык, Табигый ресурстар, экология жана техникалык көзөмөл министрлиги эски пестициддерди, ошондой эле туруктуу органикалык булгануучулар, ртут жана свинец сыяктуу уулуу химиялык заттарды камтыган башка калдыктарды коопсуз сактоо жана жок кылуу үчүн жооптуу болуп дайындалды.
Министрликке эски пестициддерди жок кылуу жана булганган аймактарды рекультивациялоо үчүн эл аралык донорлорду тартуу тапшырылды.
Бул токтомдун ишке ашырылышы Минприроддун бекитилген кызматкерлеринин санынын алкагында жана республикалык бюджеттин, ошондой эле башка мыйзамдуу каржылоо булактарынын эсебинен жүргүзүлөт.
