Бул чечим жарандардын ден соолугун жана айлана-чөйрөнү коргоо, ошондой эле кооптуу калдыктарды башкаруунун натыйжалуулугун жогорулатуу максатында кабыл алынган. Бул Кыргызстандын Стокгольм конвенциясына байланыштуу эл аралык милдеттенмелерине да жооп берет.
Жаңы милдеттерге байланыштуу Табигый ресурстар, экология жана техникалык көзөмөл министрлигинин жобосуна өзгөртүүлөр киргизилип, ведомствонун ыйгарым укуктары кеңейтилди. Эми министрликке аталган кооптуу калдыктарды коопсуз сактоо жана жок кылууну камсыз кылуу расмий түрдө тапшырылды.
Мындан тышкары, министрликке эски пестициддерди жок кылуу жана булганган жерлерди рекультивациялоо үчүн эл аралык инвестицияларды тартуу тапшырылат.
Бул токтомдун ишке ашуусу министрликтин бекитилген штаттык санынын алкагында жүргүзүлөт жана республикалык бюджеттин, ошондой эле мыйзамга каршы келбеген башка булактардан каржыланат.
Токтом расмий жарыяланган күндөн тартып жети күндөн кийин күчүнө кирет.
