Кыргыз Республикасынын Табигый ресурстар, экология жана техникалык көзөмөл министрлигинде 2-февралда министр Медер Машиев менен Кореянын эл аралык кызматташтык агенттигинин (KOICA) өкүлдөрүнүн ортосунда жолугушуу өттү.
Ведомствонун маалыматына ылайык, сүйлөшүүлөрдүн алкагында 2026-2028-жылдар аралыгында Бишкек жана Чүй облусунда абанын сапатын жакшыртууга багытталган долбоорду ишке ашыруу боюнча деталдар талкууланды.
Бул долбоордун алкагында Түштүк Корея өкмөтүнөн $10 миллионго чейин кайтарымсыз жардам бөлүү пландалууда. Негизги максаттарга булгануу заттарынын чыгымдарын азайтуу, абанын сапатын башкаруу боюнча комплексдүү план түзүү жана мамлекеттик билим берүү мекемелеринде экологиялык таза жылытуу системаларын киргизүү кирет.
