Жолугушууда Кыргызстандын аба сапатын жакшыртууга багытталган долбоорду ишке ашыруунун деталдары талкууланды. Долбоор 2026-жылдан 2028-жылга чейин Бишкек жана Чүй облусунда ишке ашырылат деп күтүлүүдө.
Министрлик тарабынан берилген маалыматка ылайык, Корея Республикасы 10 миллион долларга чейин кайтарымсыз жардам көрсөтөт. Долбоордун негизги максаттары булгануу заттарынын чыгарылышын азайтуу, аба сапатын башкаруу боюнча комплексдүү планды иштеп чыгуу, ошондой эле мамлекеттик билим берүү мекемелеринде экологиялык таза жылуулук системаларын киргизүү болуп саналат.
