Жолугушууда «Азия-Тынч океан аймагынын өлкөлөрүнүн табигый кырсыктардан кийин туруктуу калыбына келүүгө даярдыгын жогорулатуу» аттуу АӨБнын техникалык жардам боюнча регионалдык долбоору расмий түрдө сунушталды. Долбоор табигый кырсыктарга даярдык боюнча Азия борбору жана БУУнун табигый кырсыктардан коргонуу боюнча башкармалыгы тарабынан колдоого алынат.
Долбоордун алкагында Бангладеш, Кыргызстан, Монголия жана Тимор-Лесте сыяктуу аймактагы бир нече өлкөлөрдүн катышуусу каралган. Тараптар техникалык жардамдын максаттары жана милдеттери, анын ичинде кырсыктардан кийин калыбына келүүгө институционалдык даярдык, ведомстволор аралык координация, функциялар жана жоопкерчиликтерди бөлүштүрүү, ошондой эле эл аралык стандарттарды эске алуу менен улуттук потенциалды күчөтүү боюнча кадамдарды талкуулашты.
28-29-январда Бишкекте Кыргызстанды табигый кырсыктардан кийин туруктуу калыбына келүүгө даярдыгын жогорулатуу маселелери талкууланган орнотуу семинары өтүүдө. Бул иш-чарага тиешелүү мамлекеттик органдар жана долбоордун эл аралык өнөктөштөрү катышууда.
