Айыпталуучулардын арасында: Мамбетжунус Абылов, Айданбек Акматов, Нурлан Асанбеков, Акылбек Айтбаев, Азимбек Бекназаров, Марат Баязов, Эрлан Бекчоро уулу, Айбек Бузурманкулов, Атай Бейшенбек уулу, Равшан Жээнбеков, Гульнара Джурабаева, Чынгыз Капаров, Рита Карасартова, Жениш Молдокматов, Улукбек Маматаев, Темир Махмудов, Таалайбек Мадеминов, Клара Сооронкулова, Перизат Суранова, Асия Сасыкбаева, Илгиз Сарылдык уулу (Илгиз Шаменов) жана Шабдан Али.
Соттук отурумдун жүрүшүндө адвокаттар пикир алышып, айыпталуучулар акыркы сөздөрүн айтты. Учурда соттук коллегия чечим кабыл алуу үчүн кеңешүү бөлмөсүнө кетти.
Эскерте кетсек, 2022-жылдын күзүндө Өзбекстан менен чек ара боюнча кол коюлган келишим саясий чырдын себеби болду. Бул келишимге каршы протест кылган активисттер 2022-жылдын октябрь айында кармалды. Аларга 278-беренеси боюнча массалык башаламандык уюштуруу айыбы коюлду. Иш боюнча материалдардын бир бөлүгү адвокаттар үчүн таанышууга жабык болуп, бул сынга кабылды. Кийинчерээк аларга бийликти күч менен басып алуу боюнча 326-беренеси да коюлду.
14-июнда сот актоочу өкүм чыгарды. Бирок прокуратура бул өкүмдү жокко чыгаруу өтүнүчү менен кайрылды.
Учурда иш экинчи инстанциядагы сотто каралууда.
