Коомдук коопсуздук органдарынын маалыматы боюнча, «Нелегал» операциясы учурунда, экстремизмге жана мыйзамсыз миграцияга каршы күрөшүү кызматы тарабынан 21 жаштагы Индия жараны кармалган. Шектүү, аты аталган эмес, ири алдамчылык боюнча убактылуу кармоо жайына жөнөтүлгөн.
Баштапкы тергөө иштеринин жыйынтыгы боюнча кармалган К.М. аттуу студент Ош шаарындагы жогорку окуу жайларынын биринде билим алат. Ал мекендештеринен индий рупиясында чоң суммадагы акчаларды алдап алып, аларды долларга алмаштырууга убада берген.
Учурда укук коргоо органдары жети жабырлануучудан арыз алышкан.
Арыз берүүчүлөрдүн маалыматы боюнча, минималдуу зыян 35 миң сомду түзсө, максималдуу сумма 243 миң сомго жеткен. Жалпы зыян 3 миллион сомдон ашкан.
Жогоруда айтылгандар боюнча шектүүгө Кыргыз Республикасынын Кылмыш кодексинин 209-беренеси («Алдамчылык») боюнча кылмыш иши козголгон. Тергөө иштери уланууда.
