Милициянын булактарына ылайык, «Нелегал» операциясынын жүрүшүндө экстремизм жана мыйзамсыз миграция менен күрөшүүчү кызматкерлер 21 жаштагы студентти кармашкан, ал убактылуу кармоо жайына жайгаштырылган.
ГУВДнын сүрөтү
Кармалган адам жергиликтүү жогорку окуу жайларынын биринде билим алып, мекендештерине индий рупияларын АКШ долларына алмаштырууну сунуштаган, бирок акчаны алган соң өз милдеттерин аткарган эмес.
Учурда укук коргоо органдарына жети жабырлануучу кайрылып, 35 миңден 243 миң сомго чейинки жоготуулар тууралуу билдиришкен. Жалпы зыяндын суммасы 3 миллион сомдон ашат.
Шектүүгө Кыргыз Республикасынын Кылмыш кодексинин 209-беренеси (мошенничество) боюнча кылмыш иши козголуп, тергөө иштери уланууда.
