Берилген маалыматка ылайык, «Баткен Мунай» ЖЧК шахтасындагы окуя 7-мартта Самаркандек айылында болгон. Окуя болгон учурда жер астында үч жумушчу 200 метр тереңдикте болушкан.
Окуя болгон жерде Өзгөчө кырдаалдар министрлигинин Тоо куткаруу кызматынын 13 кызматкери иш алып барып, эки каза болгон адамдын денесин чыгарып, милиция өкүлдөрүнө өткөрүп беришти. Үчүнчү кенчи ийгиликтүү жогору көтөрүлүп, медициналык бригаданын колуна өткөрүлдү.
Мындан тышкары, угар газынан ууланган 18 шахта жумушчусу Баткен райондук ооруканасына жардам сурап кайрылышты. Дарыгерлердин маалыматы боюнча, алардын абалы канааттандырарлык деп бааланды.
Куткаруу операциялары аяктагандан кийин шахтада 40 метр тереңдикте тосмо орнотулуп, куткаруучулар өз базаларына кайтып келишти.
